|
ປະເພດການອຸດໜູນຕ່າງໆ ອົງການປະກັນສັງຄົມ (ອປສ) ໃຫ້ການຊ່ວຍເຫຼືອແກ່ບັນດາຜູ້ປະກັນຕົນ ແລະ ຄອບຄົວ ເພື່ອຮອງຮັບ ກັບບັນຫາຫຍຸ້ງຍາກຕ່າງໆ ໃນຊີວິດຂອງເຂົາເຈົ້າ ຊຶ່ງອາດຈະເກີດຂຶ້ນໄດ້ທຸກເວລາ. ການທີ່ທ່ານສາມາດ ໃຊ້ຊີວິດຢູ່ກັບຄອບຄົວຢ່າງມີຄວາມສຸກແລະມີສຸຂະພາບທີ່ເຂັ້ມແຂງ ຕາມໄວອາຍຸຂອງທ່ານນັ້ນ ກໍຈະ ຖືໄດ້ວ່າທ່ານເປັນສະມາຊິກທີ່ໂຊກດີທີ່ສຸດຂອງ ອປສ. ຢ່າງໃດກໍຕາມ, ຖ້າໃນວັນໜຶ່ງຂ້າງໜ້າທ່ານອາດ ຈະຕ້ອງປະເຊີນກັບຄວາມສ່ຽງ ເຊັ່ນ: ການເຈັບເປັນ, ການບໍ່ສາມາດອອກແຮງງານໄດ້ ຫຼືແມ່ນແຕ່ການ ເສຍຊີວິດ ແລ້ວ, ອປສ ກໍພ້ອມທີ່ຈະຊ່ວຍເຫຼືອທ່ານ. ໃນຂະນະດຽວກັນ, ສຳລັບບາງປະເພດຄວາມສ່ຽງ ແລ້ວ ຊຳ້ພັດຖືວ່າເປັນສິ່ງທີ່ໜ້າຍິນດີນຳ ເຊັ່ນວ່າ: ການຖືພາ-ເກີດລູກ ແລະ ການເຖິງກະສຽນອາຍຸ ບຳນານ. ໃນຖານະທີ່ເປັນສະມາຊິກ ອປສ ຄົນໜຶ່ງ ທ່ານມີສິດຮັບອຸດໜູນບຳນານ ເພື່ອຮັບປະກັນຊີວິດ ການເປັນຢູ່ ໃນບັ້ນປາຍຊີວິດຂອງທ່ານ. ບັນດາການອຸດໜູນປະເພດຕ່າງໆຂອງ ອປສ ມີດັ່ງຕໍ່ໄປນີ້: ອຸດໜູນປິ່ນປົວສຸຂະພາບ: ບັນດາການອຸດໜູນໄລຍະສັ້ນ:ບັນດາການອຸດໜູນປະເພດນີ້ເປັນການອຸດໜູນທີ່ຊ່ວຍທົດແທນການຂາດລາຍໄດ້ໃຫ້ແກ່ສະມາຊິກຂອງອປສໃນເວລາທີ່ເຂົາເຈົ້າເຈັບເປັນ,ເກີດລູກຫຼືເສຍຊີວິດ. ສຳລັບຄ່າໃຊ້ຈ່າຍໃນການປິ່ນປົວສຸຂະພາບນັ້ນແມ່ນຖືກຄຸ້ມຄອງຈາກອຸດໜູນປິ່ນປົວສຸຂະພາບແລ້ວ.ບຸກຄົນເປົ້າໝາຍທີ່ຈະໄດ້ຮັບອຸດໜູນໄລຍະສັ້ນນີ້ ສ່ວນໃຫຍ່ແມ່ນສະມາຊິກຂອງ ອປສ ເອງ, ແຕ່ບາງການອຸດໜູນ ກໍຍັງເບີກຈ່າຍໃຫ້ແກ່ ສະມາຊິກຄອບຄົວຂອງເຂົາເຈົ້ານຳອີກ. ອ່ານຕໍ່ອີກ.... ບັນດາການອຸດໜູນໄລຍະຍາວ:ສະມາຊິກຂອງ ອປສ (ຫຼືເອີ້ນວ່າ: ຜູ້ປະກັນຕົນ) ສາມາດໄດ້ຮັບອຸດໜູນບຳນານຕະຫຼອດຊີວິດຂອງ ເຂົາເຈົ້າ ເມື່ອເຖິງກະສຽນອາຍຸບຳນານ. ນອກຈາກນີ້ແລ້ວ, ຄູ່ສົມລົດ ແລະ ລູກຂອງຜູ້ປະກັນຕົນກໍຍັງມີສິດໄດ້ຮັບອຸດໜູນຄອບຄົວຜູ້ເສຍຊີວິດຈາກອປສພາຍຫຼັງທີ່ຜູ້ປະກັນຕົນໄດ້ເສຍຊີວິດ. ຖ້າຫາກຜູ້ປະກັນຕົນຫາກເສຍອົງຄະແລະບໍ່ສາມາດອອກແຮງງານລ້ຽງຕົນເອງໄດ້ ຜູ້ກ່ຽວກໍຈະໄດ້ຮັບອຸດໜູນເສຍ ອົງຄະຈາກ ອປສ. ອ່ານຕໍ່ອີກ.... ການອຸດໜູນອຸປະຕິເຫດທີ່ເກີດຈາກການອອກແຮງງານ:ໃນກໍລະນີເກີດອຸປະຕິເຫດແຮງງານຫຼືໄດ້ຮັບບາດເຈັບຈາກການອອກແຮງງານນັ້ນສະມາຊິກຂອງອປສກໍຈະໄດ້ຮັບການບໍລິການປິ່ນປົວແລະການທົດແທນລາຍໄດ້ ອັນສົມເຫດສົມຜົນຈາກ ອປສ. ສຳລັບການອຸດໜູນປະເພດນີ້ມີພຽງຜູ້ໃຊ້ແຮງງານ(ນາຍຈ້າງ)ເທົ່ານັ້ນ ທີ່ຕ້ອງຈ່າຍເງິນສົມທົບ (ເງິນຄ່າ ປະກັນ) ແຕ່ຝ່າຍດຽວ. |
|
|
ຈະຕ້ອງໄດ້ຈ່າຍເງິນສົມທົບຫຼາຍປານໃດ?
ບັນດາການອຸດໜູນທັງໝົດທີ່ກ່າວມາຂ້າງເທິງນີ້, ສະມາຊິກຂອງ ອປສ ຈະມີສິດໄດ້ຮັບ ກໍພຽງແຕ່ເຂົາ ເຈົ້າໄດ້ຈ່າຍເງິນສົມທົບ ຊຶ່ງມີອັດຕາອັນສົມ ເຫດສົມຜົນ ເຂົ້າສູ່ກອງທຶນປະກັນສັງຄົມ ຢ່າງເປັນປົກກະຕິ. ໂດຍໃນນີ້, ສະມາຊິກ ອປສ ຜູ້ໜຶ່ງຈະໄດ້ຈ່າຍເງິນສົມທົບສູງສຸດເທົ່າກັບ 4.5% ຂອງເງິນເດືອນຂອງ ລາວເອງ ແລະ ຜູ້ໃຊ້ແຮງງານຂອງລາວ ຈະຕ້ອງໄດ້ຈ່າຍສົມທົບຕື່ມອີກ 5% . ອ່ານຕື່ມອີກ.... |
ຈະຮັບເອົາເງິນອຸດໜູນໄດ້ແນວໃດ ແລະ ຮັບຢູ່ໃສ?
ສຳລັບອຸດໜູນປິ່ນປົວສຸຂະພາບນັ້ນ ແມ່ນໂຮງໝໍເປັນຜູ້ສະໜອງ ໂດຍກົງໃຫ້ແກ່ສະມາຊິກ ອປສ ແລະ ຄອບຄົວ ດ້ວຍການບໍລິການປິ່ນປົວໂດຍບໍ່ໄດ້ເສຍຄ່າ.ສຳລັບອຸດໜູນໄລຍະສັ້ນ ແລະ ອຸດໜູນໄລຍະຍາວນັ້ນ, ສະມາຊິກ ອປສ ສາມາດຕິດຕໍ່ຮັບເອົາໄດ້ທີ່ ຫ້ອງການ ອປສ ໂດຍກົງ. ອ່ານຕໍ່ອີກ.... |