Social Security Organization Laos | Members

ຂັ້ນຕອນຂໍຮັບເງິນອຸດໜູນຈາກ ອປສ?

ສະມາຊິກອປສສາມາເກີດສິດຮັບການອຸດໜູນປະເພດຕ່າງໆ ຕາມທີ່ ອປສ ໃຫ້ການຄຸ້ມຄອງ ຊຶ່ງຜູ້ກ່ຽວຕ້ອງໄດ້ຮ້ອງຂໍຮັບເອົາການອຸດໜູນນັ້ນດ້ວຍຕົນເອງ ຫຼື ຜູ້ຕາງໜ້າພ້ອມທັງ ປະກອບແບບຟອມຮ້ອງຂໍການອຸດໜູນດັ່ງກ່າວສົ່ງໃຫ້ ອປສ. ແບບຟອມຮ້ອງຂໍອຸດໜູນທີ່ຜູ້ປະກັນຕົນສົ່ງໃຫ້ ອປສ ນັ້ນ ຕ້ອງແມ່ນສະບົບຕົ້ນຊຶ່ງມີລາຍເຊັນຂອງຜູ້ປະກັນຕົນແລະລາຍເຊັນຂອງຜູ້ໃຊ້ແຮງງານຂອງຜູ້ກ່ຽວ ຫຼືບຸກຄົນທີ່ມີສິດອຳນາດໃນນາມຜູ້ໃຊ້ແຮງງານຂອງຜູ້

ກ່ຽວ.ບັນດາເອກະສານອ້າງອີງຕ່າງໆເຊັ່ນ:ໃບຢັ້ງຢືນຂອງແພດກໍຕ້ອງໄດ້ຕິດຄັດສົ່ງມາໃຫ້ອປສເປັນສະບົບຕົ້ນເຊັ່ນກັນ.ນອກຈາກນີ້ແລ້ວ, ຜູ້ທີ່ຮ້ອງຂໍເງິນ

ອຸດໜູນ ກໍຍັງຈະຕ້ອງໄດ້ສຳເນົາບັດປະກັນສັງຄົມ ພ້ອມດ້ວຍບັດປະຈຳຕົວ ຫຼື ປຶ້ມສຳມະໂນຄົວຂອງຜູ້ກ່ຽວສົ່ງໃຫ້ ອປສ ເຊັ່ນດຽວກັນ.

1.1 ອຸດໜູນເຈັບປ່ວຍ (ເປັນການຄ້ຳປະກັນໃນເວລາຂາດລາຍໄດ້ຍ້ອນການເຈັບເປັນ)

ໃນໄລຍະທີ່ເຈັບປ່ວຍຜູ້ປະກັນຕົນຈະໄດ້ຮັບການຊົດເຊີຍການຂາດລາຍໄດ້ຈາກອປສຊຶ່ງລາຍລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວ

ໄວ້ຢູ່ໃນໜ້າ“ປະເພດການອຸດໜູນ”ເພື່ອຮ້ອງຂໍເອົາເງິນອຸດໜູນປະເພດນີ້ຜູ້ທີ່ຮ້ອງຂໍຕ້ອງໄດ້ປະກອບແບບຟອມ(ອປສ3-01) ພ້ອມທັງຕິດຄັດບັນ

ດາເອກະສານດັ່ງຕໍ່ໄປນີ້ສົ່ງໃຫ້ ອປສ:

ໃບຢັ້ງຢືນຈາກຜູ້ໃຊ້ແຮງງານ (ຊຶ່ງຢູ່ໃນໜ້າທີ 2 ຂອງແບບຟອມ ອປສ 3-01)
ໃບຢັ້ງຢືນຈາກແພດ (ສະບັບຕົ້ນ)
ສຳເນົາບັດປະກັນສັງຄົມ
ໃນກໍລະນີທີ່ຜູ້ປະກັນຕົນສົ່ງຜູ້ຕາງໜ້າມາຮັບເງິນອຸດໜູນແທນຕົນເອງນັ້ນ ຜູ້ປະກັນຕົນດັ່ງກ່າວກໍຕ້ອງໄດ້ລະບຸລາຍລະອຽດນີ້ໃສ່ໃນແບບຟອມຮ້ອງຂໍເງິນອຸດໜູນ. ໃນເວລາທີ່ມາຮັບເອົາເງິນອຸດໜູນ ຜູ້ຕາງໜ້າດັ່ງກ່າວກໍຕ້ອງໄດ້ສຳເນົາບັດປະຈຳຕົວຂອງຕົນເອງໃຫ້ ອປສ ພ້ອມທັງລົງລາຍເຊັນກຳກັບໄວ້.

ຂໍ້ຄວນເອົາໃຈໃສ່:ຜູ້ປະກັນຕົນຕ້ອງຮ້ອງຂໍເອົາເງິນອຸດໜູນເຈັບປ່ວຍພາຍໃນ3ເດືອນ(90ວັນ) ນັບແຕ່ມື້ທີ່ຜູ້ກ່ຽວອອກຈາກໂຮງໝໍເປັນຕົ້ນໄປ(ມື້ທີ່ທ່ານໝໍອອກໃບຢັ້ງຢືນໃຫ້) ຖ້າຫາກກາຍກຳນົດດັ່ງກ່າວນີ້ແລ້ວ ອປສ ຈະບໍ່ຮັບພິຈາລະນາ.

1.2 ອຸດໜູນເກີດລູກ - ບຳເນັດເກີດລູກ

ໃນເວລາທີ່ຜູ້ກ່ຽວເກີດລູກ ຜູ້ປະກັນຕົນກໍມີສິດໄດ້ຮັບເງິນອຸດໜູນເກີດລູກຈາກ ອປສ ຊຶ່ງລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວໄວ້ຢູ່ໃນໜ້າ “ປະເພດການອຸດໜູນ”. ເພື່ອຮ້ອງຂໍເອົາເງິນອຸດໜູນປະເພດນີ້ ຜູ້ທີ່ຮ້ອງຂໍຕ້ອງໄດ້ປະກອບແບບຟອມ (ອປສ 3-02) ພ້ອມທັງຕິດຄັດບັນດາເອກະສານດັ່ງຕໍ່ໄປນີ້ສົ່ງໃຫ້ ອປສ:

ໃບຢັ້ງຢືນຈາກຜູ້ໃຊ້ແຮງງານ (ຊຶ່ງຢູ່ໃນໜ້າທີ 2 ຂອງແບບຟອມ ອປສ 3-02)
ໃບຢັ້ງຢືນເກີດລູກ (ສະບັບຕົ້ນ)
ສຳເນົາບັດປະກັນສັງຄົມ
ສຳເນົາປຶ້ມສຳມະໂນຄົວ ຫຼື ໃບຢັ້ງຢືນການແຕ່ງງານ(ສຳລັບກໍລະນີທີ່ເມຍຂອງຜູ້ປະກັນຕົນເປັນຄົນເກີດລູກ)
ໃນກໍລະນີທີ່ເອົາເດັກມາເປັນລູກລ້ຽງ ກໍຕ້ອງສຳເນົາໃບຢັ້ງຢືນການເອົາເດັກມາເປັນລູກລ້ຽງທີ່ອອກໂດຍ ປກສ ເມືອງ

ໃນກໍລະນີທີ່ຜູ້ປະກັນຕົນສົ່ງຜູ້ຕາງໜ້າມາຮັບເງິນອຸດໜູນແທນຕົນເອງນັ້ນ ຜູ້ປະກັນຕົນດັ່ງກ່າວກໍຕ້ອງໄດ້ລະບຸລາຍລະອຽດນີ້ໃສ່ໃນແບບຟອມຮ້ອງຂໍເງິນອຸດໜູນ. ໃນເວລາທີ່ມາຮັບເອົາເງິນອຸດໜູນ ຜູ້ຕາງໜ້າດັ່ງກ່າວກໍຕ້ອງໄດ້ສຳເນົາບັດປະຈຳຕົວຂອງຕົນເອງໃຫ້ ອປສ ພ້ອມທັງລົງລາຍເຊັນກຳກັບໄວ້.

ຂໍ້ຄວນເອົາໃຈໃສ່: ຜູ້ປະກັນຕົນຕ້ອງຮ້ອງຂໍເອົາເງິນອຸດໜູນເກີດລູກ-ບຳເນັດເກີດລູກພາຍໃນ 3 ເດືອນ(90 ວັນ) ນັບແຕ່ມື້ທີ່ຜູ້ກ່ຽວໄດ້ເກີດລູກ ຫຼື ຮັບເອົາເດັກມາເປັນລູກລ້ຽງຕົ້ນໄປ ຖ້າຫາກກາຍກຳນົດດັ່ງກ່າວນີ້ແລ້ວ ອປສ ຈະບໍ່ຮັບພິຈາລະນາ.

1.3 ອຸດໜູນເສຍຊີວິດ (ສຳລັບເປັນເງິນຊ່ວຍເຫຼືອຄ່າໃຊ້ຈ່າຍໃນພິທີສົ່ງສະການຜູ້ເສຍຊີວິດ)

ໃນກໍລະນີທີ່ຜູ້ປະກັນຕົນ ຫຼື ຄູ່ສົມລົດ ຫຼື ລູກຂອງຜູ້ກ່ຽວເສຍຊີວິດນັ້ນ ອປສ ກໍຈະສະໜອງເງິນອຸດໜູນເສຍຊີວິດໃຫ້ແກ່ຄອບຄົວຂອງຜູ້ກ່ຽວ ເພື່ອເປັນສ່ວນຊ່ວຍເຫຼືອຄ່າໃຊ້ຈ່າຍສຳລັບພິທີສົ່ງສະການຜູ້ເສຍຊີວິດນັ້ນ. ລາຍລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວໄວ້ຢູ່ໃນໜ້າ “ປະເພດການອຸດໜູນ”. ເພື່ອຮ້ອງຂໍເອົາເງິນອຸດໜູນປະເພດນີ້ ຜູ້ທີ່ຮ້ອງຂໍຕ້ອງໄດ້ປະກອບແບບຟອມ (ອປສ 3-03) ແລະເອກະສານທີ່ກ່ຽວຂ້ອງໃຫ້ ອປສ ທັນທີພາຍຫຼັງມີການເສຍຊີວິດ:

ໃບຢັ້ງຢືນຈາກຜູ້ໃຊ້ແຮງງານ (ຊຶ່ງຢູ່ໃນໜ້າທີ 2 ຂອງແບບຟອມ ອປສ 3-03)
ໃບຢັ້ງຢືນການເສຍຊີວິດ (ສະບັບຕົ້ນທີ່ອອກໂດຍອຳນາດປົກຄອງບ້ານ ຫຼື ໂຮງໝໍ)
ສຳເນົາບັດປະກັນສັງຄົມ
ໃນກໍລະນີທີ່ຄູ່ສົມລົດ ຫຼື ລູກຂອງຜູ້ປະກັນຕົນເສຍຊີວິດ ກໍຕ້ອງໄດ້ສຳເນົາປຶ້ມສຳມະໂນຄົວມາພ້ອມ
ໃນກໍລະນີທີ່ຜູ້ມາຮັບເອົາເງິນອຸດໜູນຫາກບໍ່ແມ່ນຜູ້ປະກັນຕົນ ຜູ້ກ່ຽວກໍຕ້ອງໄດ້ສຳເນົາບັດປະຈຳຕົວຂອງຕົນເອງ ຫຼື ເອກະສານຢັ້ງຢືນອື່ນໆໃຫ້ ອປສ ເພື່ອບົ່ງບອກສາຍສຳພັນລະຫວ່າງຜູ້ກ່ຽວ ແລະ ຜູ້ເສຍຊີວິດ.

ຂໍ້ຄວນເອົາໃຈໃສ່: ການຮ້ອງຂໍເອົາເງິນອຸດໜູນເສຍຊີວິດ ຕ້ອງເຮັດພາຍໃນ 3 ເດືອນ(90 ວັນ) ນັບແຕ່ມື້ເສຍຊີວິດຕົ້ນໄປ ຖ້າຫາກກາຍກຳນົດດັ່ງກ່າວນີ້ແລ້ວ ອປສ ຈະບໍ່ຮັບພິຈາລະນາ.

1.4 ອຸດໜູນອຸປະຕິເຫດແຮງງານ ຫຼື ພະຍາດອາຊີບ

ຜູ້ອອກແຮງງານທີ່ໄດ້ປະກັນຕົນກັບ ອປສ ເມື່ອປະສົບກັບອຸປະຕິເຫດແຮງງານ ຫຼື ພະຍາດອາຊີບ ກໍຈະມີສິດໄດ້ຮັບການອຸດໜູນຈາກ ອປສ ຊຶ່ງປະກອບດ້ວຍການອຸດໜູນຫຼາຍຮູບແບບ. ລາຍລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວໄວ້ຢູ່ໃນໜ້າ “ປະເພດການອຸດໜູນ”. ເພື່ອຮ້ອງຂໍເອົາເງິນອຸດໜູນປະເພດນີ້ ຜູ້ທີ່ຮ້ອງຂໍຕ້ອງໄດ້ປະກອບແບບຟອມ (ອປສ 3-04) ແລະ ເອກະສານຕິດຄັດຕ່າງໆສົ່ງໃຫ້ ອປສດັ່ງນີ້:

ໃບຢັ້ງຢືນຈາກຜູ້ໃຊ້ແຮງງານ (ຊຶ່ງຢູ່ໃນໜ້າທີ 2 ຂອງແບບຟອມ ອປສ 3-04)

ໃບຢັ້ງຢືນຈາກແພດ (ສະບັບຕົ້ນ) ທີ່ໄດ້ລະບຸມະຕິພະຍາດ ພ້ອມດ້ວຍຫຼັກຖານທີ່ລະບຸຈະແຈ້ງວ່າເກີດຈາກອຸປະຕິເຫດແຮງງານ ຫຼື ພະຍາດອາຊີບ
ສຳເນົາບັດປະກັນສັງຄົມ;
ໃນກໍລະນີທີ່ຜູ້ປະກັນຕົນສົ່ງຜູ້ຕາງໜ້າມາຮັບເງິນອຸດໜູນແທນຕົນເອງນັ້ນ ຜູ້ປະກັນຕົນດັ່ງກ່າວກໍຕ້ອງໄດ້ລະບຸລາຍລະອຽດນີ້ໃສ່ໃນແບບຟອມຮ້ອງຂໍເງິນອຸດໜູນ. ໃນເວລາທີ່ມາຮັບເອົາເງິນອຸດໜູນ ຜູ້ຕາງໜ້າດັ່ງກ່າວກໍຕ້ອງໄດ້ສຳເນົາບັດປະຈຳຕົວຂອງຕົນເອງໃຫ້ ອປສ ພ້ອມທັງລົງລາຍເຊັນກຳກັບໄວ້.

ຂໍ້ຄວນເອົາໃຈໃສ່:ຜູ້ປະກັນຕົນຕ້ອງຮ້ອງຂໍເອົາເງິນອຸດໜູນອຸປະຕິເຫດແຮງງານຫຼືພະຍາດອາຊີບພາຍໃນ3ເດືອນ(90ວັນ) ນັບແຕ່ມື້ທີ່ຜູ້ກ່ຽວອອກຈາກໂຮງໝໍເປັນຕົ້ນໄປ(ມື້ທີ່ທ່ານໝໍອອກໃບຢັ້ງຢືນໃຫ້) ຖ້າຫາກກາຍກຳນົດດັ່ງກ່າວນີ້ແລ້ວ ອປສ ຈະບໍ່ຮັບພິຈາລະນາ.

1.5 ອຸດໜູນບຳນານ

ຜູ້ປະກັນຕົນທີ່ມີອາຍຸຄົບ 60 ປີ ແລະ ໄດ້ຈ່າຍເງິນສົມທົບເຂົ້າກອງທຶນປະກັນສັງຄົມແລ້ວຢ່າງໜ້ອຍ 5 ປີ ກໍຈະມີສິດໄດ້ຮັບອຸດໜູນບຳນານຈາກ ອປສ. ໃນກໍລະນີທີ່ໄດ້ຈ່າຍເງິນສົມທົບບໍ່ເຖິງ 5 ປີ ກໍຈະໄດ້ຮັບເງິນອຸດໜູນເທື່ອດຽວ(ບຳເນັດ)ຈາກ ອປສ. ລາຍລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວໄວ້ຢູ່ໃນໜ້າ “ປະເພດການອຸດໜູນ”. ເພື່ອຮ້ອງຂໍເອົາເງິນອຸດໜູນປະເພດນີ້ ຜູ້ທີ່ຮ້ອງຂໍຕ້ອງໄດ້ປະກອບແບບຟອມ (ອປສ 3-05) ແລະ ເອກະສານຕິດຄັດຕ່າງໆສົ່ງໃຫ້ ອປສ ດັ່ງນີ້:

ໃບຢັ້ງຢືນຈາກຜູ້ໃຊ້ແຮງງານ (ຊຶ່ງຢູ່ໃນໜ້າທີ 2 ຂອງແບບຟອມ ອປສ 3-05);
ສຳເນົາບັດປະກັນສັງຄົມ;
ໃບຢັ້ງຢືນການປົດປ່ອຍອອກວຽກຈາກຜູ້ໃຊ້ແຮງງານ (ສະບັບຕົ້ນ)
ໃນກໍລະນີທີ່ຜູ້ປະກັນຕົນສົ່ງຜູ້ຕາງໜ້າມາຮັບເງິນອຸດໜູນແທນຕົນເອງນັ້ນ ຜູ້ປະກັນຕົນດັ່ງກ່າວກໍຕ້ອງໄດ້ລະບຸລາຍລະອຽດນີ້ໃສ່ໃນແບບຟອມຮ້ອງຂໍເງິນອຸດໜູນ. ໃນເວລາທີ່ມາຮັບເອົາເງິນອຸດໜູນ ຜູ້ຕາງໜ້າດັ່ງກ່າວກໍຕ້ອງໄດ້ສຳເນົາບັດປະຈຳຕົວຂອງຕົນເອງໃຫ້ ອປສ ພ້ອມທັງລົງລາຍເຊັນກຳກັບໄວ້.

1.6 ອຸດໜູນຄອບຄົວຂອງຜູ້ເສຍຊີວິດ

ສະມາຊິກຄອບຄົວຂອງຜູ້ປະກັນຕົນທີ່ເສຍຊີວິດ ຫຼື ຜູ້ຮັບບຳນານນຳ ອປສ ທີ່ເສຍຊີວິດ ກໍຈະມີສິດໄດ້ຮັບອຸດໜູນຄອບຄົວຜູ້ເສຍຊີວິດຈາກ ອປສ ຖ້າຫາກວ່າຜູ້ປະກັນຕົນທີ່ເສຍຊີວິດນັ້ນ ຫາກໄດ້ຈ່າຍເງິນສົມທົບເຂົ້າກອງທຶນປະກັນສັງຄົມແລ້ວຢ່າງໜ້ອຍ 5 ປີ. ລາຍລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວໄວ້ຢູ່ໃນໜ້າ “ປະເພດການອຸດໜູນ”. ເພື່ອຮ້ອງຂໍເອົາເງິນອຸດໜູນປະເພດນີ້ ຜູ້ທີ່ຮ້ອງຂໍ(ສະມາຊິກຄອບຄົວທີ່ຍັງມີຊີວິດຢູ່) ຕ້ອງໄດ້ປະກອບແບບຟອມ (ອປສ 3-06) ແລະ ເອກະສານຕິດຄັດຕ່າງໆສົ່ງໃຫ້ ອປສ ດັ່ງນີ້:

ສຳເນົາບັດປະກັນສັງຄົມຂອງຜູ້ເສຍຊີວິດ
ໜັງສືຢັ້ງຢືນການເສຍຊີວິດຈາກອຳນາດປົກຄອງບ້ານ ຫຼື ໂຮງໝໍ
ສຳເນົາປຶ້ມສຳມະໂນຄົວ
ຜູ້ຮ້ອງຂໍເງິນອຸດໜູນຕ້ອງໄດ້ສຳເນົາບັດປະຈຳຕົວຂອງຕົນເອງ ຫຼື ເອກະສານຢັ້ງຢືນອື່ນໆໃຫ້ ອປສ ເພື່ອບົ່ງບອກສາຍສຳພັນລະຫວ່າງຜູ້ກ່ຽວ ແລະ ຜູ້ເສຍຊີວິດ.

1.7 ອຸດໜູນເສຍອົງຄະ

ພາຍຫຼັງທີ່ໄດ້ຈ່າຍເງິນສົມທົບເຂົ້າກອງທຶນປະກັນສັງຄົມມາແລ້ວຢ່າງໜ້ອຍ 5 ປີ ຖ້າຜູ້ປະກັນຕົນຫາກເສຍອົງຄະອັນເນື່ອງມາຈາກສຸຂະພາບຊຸດໂຊມ ຫຼື ການເສຍອົງຄະ ຜູ້ກ່ຽວກໍຈະມີສິດໄດ້ຮັບເງິນອຸດໜູນເສຍອົງຄະຈາກ ອປສ. ລາຍລະອຽດກ່ຽວກັບການອຸດໜູນປະເພດນີ້ ແມ່ນໄດ້ກ່າວໄວ້ຢູ່ໃນໜ້າ “ປະເພດການອຸດໜູນ”. ເພື່ອຮ້ອງຂໍເອົາເງິນອຸດໜູນປະເພດນີ້ ຜູ້ທີ່ຮ້ອງຂໍ ຕ້ອງໄດ້ປະກອບແບບຟອມ (ອປສ 3-07) ແລະ ເອກະສານຕິດຄັດຕ່າງໆສົ່ງໃຫ້ ອປສ ດັ່ງນີ້:

ໃບຢັ້ງຢືນຈາກຜູ້ໃຊ້ແຮງງານ (ຊຶ່ງຢູ່ໃນໜ້າທີ 2 ຂອງແບບຟອມ ອປສ 3-07);
ໃບຢັ້ງຢືນການເສຍອົງຄະຈາກແພດ ທີ່ກຳນົດກ່ຽວກັບໄລຍະເວລາ ແລະ ເປີເຊັນຂອງການເສຍອົງຄະ
ສຳເນົາບັດປະກັນສັງຄົມ;
ໃນກໍລະນີທີ່ຜູ້ປະກັນຕົນສົ່ງຜູ້ຕາງໜ້າມາຮັບເງິນອຸດໜູນແທນຕົນເອງນັ້ນ ຜູ້ປະກັນຕົນດັ່ງກ່າວກໍຕ້ອງໄດ້ລະບຸລາຍລະອຽດນີ້ໃສ່ໃນແບບຟອມຮ້ອງຂໍເງິນອຸດໜູນ. ໃນເວລາທີ່ມາຮັບເອົາເງິນອຸດໜູນ ຜູ້ຕາງໜ້າດັ່ງກ່າວກໍຕ້ອງໄດ້ສຳເນົາບັດປະຈຳຕົວຂອງຕົນເອງໃຫ້ ອປສ ພ້ອມທັງລົງລາຍເຊັນກຳກັບໄວ້.

2. ຂັ້ນຕອນການກວດກາເອກະສານຮ້ອງຂໍເງິນອຸດໜູນ

ພະແນກເງິນອຸດໜູນຂອງ ອປສ ຈະເປັນຜູ້ກວດກາເອກະສານຮ້ອງຂໍເງິນອຸດໜູນໂດຍກົງ (ຢ່າງຊ້າສຸດພາຍໃນ 1 ອາທິດ) ແລະ ກວດສອບເອກະສານກ່ຽວຂ້ອງວ່າ:

ການປະກອບເອກະສານນັ້ນຄົບຖ້ວນຫຼືບໍ່,
ເອກະສານປະກອບ ແລະ ເອກະສານຢັ້ງຢືນຕ່າງໆ ຄົບຖ້ວນແລ້ວຫຼືຍັງ,
ເອກະສານປະກອບ ແລະ ເອກະສານຢັ້ງຢືນຕ່າງໆ ຖືກຕ້ອງຫຼືບໍ່.

3. ຜົນການວິນິໄສຄຳຮ້ອງຂໍເງິນອຸດໜູນ

ພະແນກເງິນອຸດໜູນຂອງ ອປສ ທຳການວິນິໄສ ສະເພາະແຕ່ເອກະສານຮ້ອງຂໍອຸດໜູນທີ່ຄົບຖ້ວນເທົ່ານັ້ນ ຊຶ່ງຜົນຂອງການວິນິໄສດັ່ງກ່າວ ມີ 2 ຮູບແບບ: ຜູ້ຮ້ອງຂໍມີສິດຮັບການອຸດໜູນຕາມທີ່ຮ້ອງຂໍ ຫຼືວ່າ ຜູ້ກ່ຽວບໍ່ມີສິດຮັບເງິນອຸດໜູນ.

3.1 "ການເກີດສິດຮັບເງິນອຸດໜູນ":

ຖ້າບັນດາຂໍມູນທີ່ຜູ້ຮ້ອງຂໍເງິນອຸດໜູນໄດ້ປະກອບມາ ຫາກຖືກຕ້ອງຕາມຂໍ້ມູນທີ່ໄດ້ບັນທຶກໄວ້ໃນຖານຂໍ້ມູນຂອງ ອປສ ແລະ ຜູ້ປະກັນຕົນກ່ຽວຂ້ອງກໍໄດ້ປະຕິບັດຕາມເງື່ອນໄຂການຈ່າຍເງິນສົມທົບຕາມທີ່ໄດ້ກຳນົດໄວ້ໃນລະບຽບການອຸດໜູນທີ່ຜູ້ກ່ຽວຮ້ອງຂໍ ຢ່າງຄົບຖ້ວນແລ້ວ ພະແນກເງິນອຸດໜູນກໍຈະທຳການຄິດໄລ່ເງິນອຸດໜູນໃຫ້ຜູ້ກ່ຽວບົນພື້ນຖານລະບຽບຫຼັກການຂອງ ອປສ. ພ້ອມກັນນັ້ນ ພະນັກງານທີ່ຮັບຜິດຊອບການຄິດໄລ່ ກໍຈະແຈ້ງຜົນຂອງການວິນິໄສ, ຈຳນວນເງິນອຸດໜູນ ແລະ ຮູບແບບການຈ່າຍເງິນອຸດໜູນ(ຈ່າຍເປັນລາຍອາທິດ, ລາຍເດືອນ ຫຼື ງວດດຽວ)ໃຫ້ຜູ້ຮ້ອງຂໍເງິນອຸດໜູນຊາບ.

3.2 "ການບໍ່ເກີດສິດຮັບເງິນອຸດໜູນ":

ຖ້າບັນດາຂໍມູນທີ່ຜູ້ຮ້ອງຂໍເງິນອຸດໜູນໄດ້ປະກອບມາ ຫາກບໍ່ຖືກຕ້ອງຕາມຂໍ້ມູນທີ່ໄດ້ບັນທຶກໄວ້ໃນຖານຂໍ້ມູນຂອງ ອປສ ແລະ ຜູ້ປະກັນຕົນກ່ຽວຂ້ອງບໍ່ມີເງື່ອນໄຂການຈ່າຍເງິນສົມທົບຕາມທີ່ໄດ້ກຳນົດໄວ້ໃນລະບຽບການອຸດໜູນທີ່ຜູ້ກ່ຽວຮ້ອງຂໍ ຢ່າງຄົບຖ້ວນແລ້ວ ກໍຈະຖືວ່າ “ຜູ້ກ່ຽວບໍ່ເກີດສິດຮັບເງິນອຸດໜູນ”. ພະນັກງານທີ່ຮັບຜິດຊອບ ກໍຈະແຈ້ງຜົນຂອງການວິນິໄສ ພ້ອມດ້ວຍເອກະສານການຮ້ອງຂໍອຸດໜູນນັ້ນ ຄືນໃຫ້ແກ່ຜູ້ຮ້ອງຂໍ.

4. ການຄິດໄລ່ເງິນອຸດໜູນ

ອປສ ຈະຄິດໄລ່ເງິນອຸດໜູນໃຫ້ແກ່ຜູ້ເກີດສິດຮັບອຸດໜູນ ໂດຍອີງຕາມຂໍ້ມູນຂອງຜູ້ປະກັນຕົນກ່ຽວຂ້ອງທີ່ມີຢູ່ໃນຖານຂໍ້ມູນຂອງ ອປສ ແລະ ລະບຽບການຄິດໄລ່ຂອງປະເພດການອຸດໜູນກ່ຽວຂ້ອງ.
ຕົວຢ່າງການຄິດໄລ່ເງິນອຸດໜູນໄລຍະສັ້ນ ໄດ້ກ່າວໄວ້ໃນໜ້າ “ປະເພດການອຸດໜູນ”.

5. ການຈ່າຍເງິນອຸດໜູນ

ພະແນກການເງິນ ຂອງ ອປສ ຈະເປັນຜູ້ເບີກຈ່າຍເງິນອຸດໜູນໃຫ້ແກ່ຜູ້ເກີດສິດ ໂດຍອີງຕາມຮູບແບບການຈ່າຍທີ່ໄດ້ກຳນົດໄວ້ໃນລະບຽບການຂອງແຕ່ລະປະເພດການອຸໜູນ (ຈ່າຍງວດຽວ, ລາຍອາທິດ ຫຼື ລາຍເດືອນ).

6. ການຮ້ອງຂໍເງິນອຸດໜູນຄືນໃໝ່

ໃນກໍລະນີທີ່ຜູ້ຮ້ອງຂໍເງິນອຸດໜູນ ຫາກບໍ່ເຫັນດີຕາມການວິນິໄສຂອງ ອປສ ກໍສາມາດປະກອບອກະສານຮ້ອງຂໍເງິນອຸດໜູນະປເພດເດີມ ເພື່ອໃຫ້ ອປສ ພິຈາລະນາຄືນໃໝ່ ຊຶ່ງພະແນກເງິນອຸດໜູນ ຈະເປັນຜູ້ວິນິໄສຄືນໃໝ່ພາຍໃນ 1 ເດືອນ.