Social Security Organization Laos

ຂ່າວສານ ອປສ

ກອງປະຊຸມ ສະມາຄົມປະກັນສັງຄົມອາຊ່ຽນ (ອາຊາ) ຄັ້ງທີ່ 21 ທີ່ເມືອງມໍລະດົກໂລກ

ໃນລະຫວ່າງວັນທີ24 - 26 ເມສາ2008 ທີ່ຜ່ານມານີ້ ອົງການປະກັນສັງຄົມແຫ່ງສປປ ລາວໄດ້ຮັບກຽດເປັນເຈົ້າພາບຕາມຮອບວຽນຕົວອັກ ສອນໃນການຈັດກອງປະຊຸມ ສະມາຄົມປະກັນສັງຄົມອາຊ່ຽນ(ອາຊາ) ຄັ້ງທີ່21 ທີ່ໂຮງແຮມເມືອງຫຼວງ ແຂວງຫຼວງພະບາງແລະ ໃຫ້ກຽດເປັນປະທານ ເປີດກອງປະຊຸມໂດຍ ທ່ານ ເລົາລີ ໄຟເພັງຢົວ ລັດຖະມົນຕີຊ່ວຍວ່າການ ກະຊວງແຮງງານ ແລະສະຫວັດດີການສັງຄົມ. ອ່ານຕໍ່ອີກ....

ຄະນະຜູ້ແທນ ອປສ ເຂົ້າຮ່ວມກອງປະຊຸມສະມາຄົມປະກັນສັງ ຄົມຄັ້ງທີ 20 ທີ່ປະເທດ ຟີລີບປີນ

ໃນລະຫວ່າງວັນທີ 16 ຫາ 20 ຕຸລາ 2007 ນີ້ຄະນະຜູ້ແທນ ຂອງອົງການປະກັນສັງຄົມ ຊຶ່ງນຳ ໂດຍ ທ່ານ ຄຳພວງ ອິນທະແສງ ຜູ້ອຳນວຍການ ອົງການປະກັນສັງຄົມໄດ້ເດີນ ທາງໄປເຂົ້າຮ່ວມ ກອງປະຊຸມສະມາຄົມ ປະກັນສັງຄົມ ແຫ່ງ ອາຊຽນຄັ້ງ ທີ20 ທີ່ນະຄອນ ຫຼວງມະນິລາປະ ເທດຟີລິບປິນ. ກອງປະຊຸມຄັ້ງ ນີ້ອປສ ລາວເຮົາໄດ້ເຂົ້າຮ່ວມໃນນາມທີ່ເປັນອົງການສະມາຊິກ ຂອງສະມາຄົມປະກັນສັງ ຄົມອາຊຽນ (ASSA). ກອງປະຊຸມຄັ້ງນີ້ມີ 9 ປະເທດແລະ 30 ກວ່າອົງ ການເຂົ້າຮ່ວມໂດຍແມ່ນທ່ານ ດາຕຸກ ອາດສະລານໄຊ ໂນນຜູ້ບໍລິຫານ ສູງສຸດ ຂອງອົງການປະກັນສັງຄົມ ປະເທດມາເລເຊຍ ເປັນປະທານກອງປະຊຸມ. ອ່ານຕໍ່ອີກ....

ອປສ ໃຫ້ການຄຸ້ມຄອງການຜ່າຕັດສະໝອງ

ການໃຫ້ການບໍລິການທາງການແພດເປັນພຽງໜື່ງໃນ8ປະເພດອຸດໜູນທີ່ ອປສ ບໍ່ໄດ້ສະໜອງ ໃຫ້ແກ່ສະມາຊິກໄດ້ໂດຍກົງ, ຊຶ່ງ ອປສ ໄດ້ເຊັນສັນຍາຊື້ບໍລິການນຳບັນດາໂຮງໝໍກໍ່ຄືກະຊວງສາ ທາລະນະສຸກເພື່ອສະໜອງການປິ່ນປົວໃຫ້ ແກ່ສະມາຊິກ ອປສ ແລະ ໃນການສັນຍາ ດັ່ງກ່າວ ແມ່ນໃຫ້ບໍລິການປິ່ນປົວໂດຍບໍ່ເສຍຄ່າ, ບໍ່ກຳນົດວົງເງິນ ແລະ ບໍ່ກຳນົດຈຳນວນຄັ້ງປິ່ນປົວ ແຕ່ກໍ່ຍັງມີບາງລາຍການຍົກເວັ້ນທີ່ກວມ ເອົາການຜ່າຕັດສະໝອງ ແລະ ພະຍາດເບົາຫວານ. ມາຮອດປະຈຸບັນພວກເຮົາໄດ້ຫຼຸດລາຍການຍົກເວັ້ນລົງໂດຍການໃຫ້ການຄຸ້ມຄອງພະຍາດ ເບົາ ຫວານ ແລະ ການຜ່າຕັດສະໝອງໃຫ້ແກ່ຜູ້ປະກັນຕົນລວມທັງຄູ່ສົມລົດ ແລະ ລູກທີ່ມີອາຍຸບໍ່ເກີນ 18ປີສາມາດເຂົ້າຮັບການບໍ ລິການຕາມ ລະບົບປິ່ນປົວສຸຂະພາບຂອງ ອປສ.

ກຳມະທິການວັດທະນະທຳສັງຄົມສະພາແຫ່ງຊາດລົງຊຸກຍູ້ວຽກງານທີ່ອົງການປະກັນສັງຄົມ

ໃນຕອນບ່າຍວັນທີ 5 ມີນາ2007 ຄະນະກຳມາທິການວັດທະນະທຳ-ສັງຄົມສະພາແຫ່ງຊາດນໍາໂດຍທ່ານ ຊົມພູ ທົງສະຫວັນ ຮອງກຳມາທິການວັດທະນະທຳສັງຄົມ ສະພາແຫ່ງຊາດ, ທ່ານບົວ ເງິນ ຊາພູວົງ ສະມາຊິກສະພາແຫ່ງຊາດ ລັດຖະມົນຕີຊ່ວຍວ່າການ ກະຊວງຖະແຫຼງຂ່າວແລະວັດທະນະທຳ ພ້ອມດ້ວຍຄະນະອີກຈຳນວນໜຶ່ງ.ຈຸດປະສົງຂອງ ການລົງມາເຮັດວຽກໃນຄັ້ງນີ້ແມ່ນເພື່ອ ຕິດຕາມການຊຸກຍູ້ວຽກງານຕ່າງໆໃນຂົງເຂດວັດທະນະທຳສັງ ຄົມເວົ້າລວມ ເວົ້າສະເພາະ ແມ່ນເພື່ອຕິດຕາມຊຸກ ຍູ້ວຽກ ງານປະ ກັນສັງຄົມພາກວິສາຫະກິດໃນການເຮັດໜ້າທີ່ບໍລິການໃຫ້ແກ່ຊາວຜູ້ອອກແຮງງານ.ການລົງເຮັດວຽກໃນຄັ້ງນີ້ແມ່ນໄດ້ຮັບຟັງຜົນການລາຍງານການ ເຄື່ອນໄຫວຈັດຕັ້ງປະຕິບັດ ດຳລັດນາຍົກລັດຖະມົນຕີເລກທີ: 207/ນຍ ວ່າດ້ວຍລະ ບອບປະກັນ ສັງ ຄົມ ສຳລັບຜູ້ອອກແຮງງານໃນວິ ສາຫະກິດ. ເຊິ່ງນັບແຕ່ມື້ເລີ່ມສ້າງຕັ້ງ ອປສ ໃນວັນທີ 1 ມີນາ 2001 ເປັນຕົ້ນມາຖືວ່າຍັງເປັນ ອົງການທີ່ສ້າງຕັ້ງຂື້ນມາໃໝ່ ແຕ່ຖືວ່າປະສົບຜົນສຳເລັດສູງ ສົມ ຄວນ, ປະຈຸບັນ ອປສ ມີສະມາຊິກເຂົ້າຮ່ວມໃນລະບົບ 30.000 ກ່ວາຄົນ ແລະມີເງິນສົມທົບ ໃນກອງທືນ 50 ກ່ວາຕື້ ກີບ. ພ້ອມນັ້ນ ຄະນະສະພາຜູ້ແທນສະພາແຫ່ງຊາດຍັງໄດ້ຮັບຮູ້ ເຖິງຂໍ້ ສະດວກ ແລະ ຂໍ້ຫຍຸ້ງ ຍາກ ໃນການຈັດຕັ້ງປະຕິບັດ ຊຶ່ງບັນຫາສ່ວນໃຫ່ຍແມ່ນການ ເຂົ້າສູ່ລະ ບົບຍັງບໍ່ທັນທົ່ວເຖິງ ແລະເປັນເອກະພາບ, ຈຳນວນຫົວໜ່ວຍວິສາຫະກິດທີ່ມີຜູ້ອອກແຮງງານແຕ່ 10 ຄົນຂື້ນໄປຫຼາຍຫົວ ໜ່ວຍຍັງຍໍ່ທັນເຂົ້າສູ່ລະບົບ ເຊິ່ງບັນຫາດັ່ງກ່າວນັ້ນເຮັດ ໃຫ້ເກີດຄວາມ ບໍ່ສະໝີພາບໃນສັງຄົມ, ຜູ້ ອອກແຮງງານບໍ່ໄດ້ຮັບການປົກປ້ອງ, ເຮັດໃຫ້ກອງທຶນປະກັນສັງຄົມເຊິ່ງເປັນກອງທືນຊ່ວຍເຫຼືອເຊິ່ງກັນແລະກັນຂອງຊາວຜູ້ອອກແຮງງານມີຄວາມສ່ຽງ.ຈາກນັ້ນຄະ ນະຜູ້ແທນສະພາ ແຫ່ງຊາດກໍ່ໄດ້ເກັບກຳເອົາບັນຫາຕ່າງໆເພື່ອນຳໄປສະເໜີພາກສ່ວນກ່ຽວຂ້ອງ ເພື່ອຮ່ວມກັນຊຸກຍູ້ບັນດາວ ິສາຫະກິດໃຫ້ເຂົ້າປະກັນສັງ ຄົມຕໍ່ໄປ.ພ້ອມນັ້ນກໍ່ໄດ້ແນະນຳໃຫ້ອົງການ ປະກັນສັງຄົມສືບຕໍ່ໂຄສະນະເຜີຍແຜ່ ກ່ຽວກັບສິດຜົນປະໂຫຍດທີ່ເຂົາເຂົ້າຈະໄດ້ຮັບຈາກ ການເຂົ້າ ເປັນສະມາຊິກປະກັນສັງຄົມ, ພ້ອມທັງເຮັດໜ້າທີ່ບໍລິການຂອງຕົນໃຫ້ດີຂື້ນປະກອບສ່ວນ ເຂົ້າໃນ ການປະຕິບັດພັນທະ ແກ້ໄຂຄວາມທຸກ ຍາກຂອງພົນລະເມືອງໃຫ້ປາກົດຜົນເປັນຈິງ.

ສາຂາແຫ່ງທີ 2 ຂອງ ອປສ

ໃນວັນທີ 19 ທັນວາ 2006 ທີ່ຜ່ານມານີ້ ອົງການປະກັນສັງຄົມ ໄດ້ຈັດພິທີເປີດຫ້ອງການສາຂາ ອປສ ແຫ່ງທີ II ທີ່ແຂວງ ຄຳມ່ວນ ໃຫ້ກຽດເປັນ ປະທານ ພິທີຄັ້ງນີ້ໄດ້ແກ່ ທ່ານ ສົມໃຈ ເພັດສີນວນ ຮອງເຈົ້າແຂວງ ແຂວງຄຳມ່ວນ, ທ່ານ ເລ ກາກັນຍາ ລັດຖະມົນຕີຊ່ວຍວ່າການກະຊວງ ຮສສ, ທັງເປັນປະທານ ສະພາບໍລິຫານ ອປສ ໂດຍມີບັນດາກຳມະການສະພາບໍລິ ຫານ, ສະພາການແພດ, ບັນດາພະນັກງານຈາກພະແນກການຕ່າງໆ ອ້ອມຂ້າງແຂວງ, ໂຮງໝໍ ແຂວງ, ໂຮງໝໍເມືອງ ພ້ອມດ້ວຍແຂກທີ່ຖືກເຊີນເຂົ້າຮ່ວມຢ່າງພ້ອມພຽງ.
ແຂວງຄຳມ່ວນມີວິສາຫະກີດກຸ່ມເປົ້າໝາຍຕາມການບັງຄັບໃຊ້ຂອງດຳລັດ 207/ນຍ ປະມານ 64 ວິສາຫະກີດທີ່ມີຜູ້ອອກແຮງງານທັງໝົດ8ພັນກ່ວາຄົນ. ສຳລັບໂຮງໝໍທີ່ຈະ ເປັນບ່ອນ ສະໜອງ ການປີ່ນ ປົວສຸຂະພາບໃຫ້ແກ່ຜູ້ປະ ກັນຕົນ ແລະ ຄອບຄົວ ຂອງ ເຂົາເຈົ້າແມ່ນໂຮງໝໍ ແຂວງຄຳມ່ວນ ເປັນໂຮງໝໍຫຼັກ ແລະ 3 ໂຮງໝໍເມືອງ (ມະຫາໄຊ, ຍົມະລາດ ແລະ ນາກາຍ) ເປັນໂຮງໝໍເຄື່ອຂ່າຍ ຂອງ ໂຮງໝໍແຂວງ.
ສຳນັກງານຕັ້ງຢູ່ ຖະໜົນ ອານຸ, ບ້ານ ທ່າແຂກເໜືອ, ເມືອງ ທ່າແຂກ, ແຂວງ ຄຳມ່ວນ. ໂທລະສັບ : 051-250972, ແຟັກ: 051-250973

ພາຍໃນເດືອນສີງຫາ ອປສ ໄດ້ຈ່າຍເງິນອຸດໜູນເກີດລູກ ຈຳນວນ: 117,921,913 ກີບ

ຜູ້ປະຕົນເພດຍິງ ເວລາຖືພາເກີດລູກຜູ້ກ່ຽວຈະໄດ້ຮັບ:

ມີສິດໃຊ້ບໍລິການທາງການແພດເຊັ່ນ: ກວດທ້ອງ, ຝາກທ້ອງ ແລະ ເກີດລູກໂດຍບໍ່ໄດ້ເສຍຄ່າ ບໍ່ຈຳກັດວົງເງິນ ແລະ ບໍ່ຈຳກັດຈຳນວນຄັ້ງ, ແຕ່ຕ້ອງ ໄດ້ຈ່າຍເງິນສົມທົບຄົບ 3ເດືອນຂື້ນໄປ.
ຮັບເງິນອຸດໜູນເກີດລູກ 100% ຂອງເງິນເດືອນປະກັນຕົນ ແລະ ຈະໄດ້ຮັບໃນໄລຍະ 3ເດືອນແຕ່ຕ້ອງຈ່າຍ ເງິນສົມທົບ ຄົບ 9ເດືອນຂື້ນໄປ.
ຮັບເງິນອຸດໜູນບຳເນັດເກີດລູກເທົ່າກັບ 60% ຂອງເງິນເດືອນຂັ້ນຕຳ່ທີ່ລັດຖະບານກຳນົດ ຕໍ່ລູກ 1ຄົນ. ແຕ່ຕ້ອງໄດ້ຈ່າຍເງິນສົມທົບ 12ເດືອນຂື້ນໄປ. ສຳລັບເງິນອຸດໜູນເກີດລູກນີ້ໃນເດືອນ 08/2006 ອປສ ໄດ້ຈ່າຍເງິນດັ່ງກ່າວ: 202 ຄົນ ຈຳນວນເງິນ: 117,921,913 ກີບ.

ການຮ້ອງຂໍເງິນອຸດໜູນເກີດລູກແມ່ນຈະຕ້ອງໄດ້ຍື່ນເອກະສານດັ່ງກ່າວພາຍໃນ3ເດືອນນັບແຕ່ມື້ອອກໂຮງໝໍເປັນຕົ້ນໄປ.ການໄປຮັບເງິນອຸດໜູນ ແມ່ນໄປດ້ວຍຕົນເອງ, ການຈັດຕັ້ງຫລື ບຸກຄົນອື່ນໄປເອົາໃຫ້ກໍ່ໄດ້, ໂດຍບໍ່ເສຍຄ່າທຳນຽມແຕ່ຢ່າງໃດເລີຍ

ອປສ ຈ່າຍເງິນໃຫ້ຄອບຄົວ ຂອງ ຜູ້ປະກັນຕົນຈຳນວນ 21 ລ້ານກີບແລະ ຍັງຈະສືບຕໍ່ຈ່າຍໃຫ້ອີກ

ອົງການປະກັນສັງຄົມໃຫ້ການຄຸ້ມຄອງຄວາມສ່ຽງ ແກ່ຜູ້ປະກັນຕົນ ແລະ ຄອບຄົວ ບໍ່ສະເພາະແຕ່ ອຸດໜູນປິ່ນປົວສຸຂະພາບເທົ່ານັ້ນ ແຕ່ຍັງໃຫ້ການຄຸ້ມຄອງເຖິງ 8 ປະເພດການອຸດໜູນ ຊຶ່ງກວມອາດີດພະນັກງານຢູ່ບໍລິສັດລ້ານຊ້າງ ອາພອນລາວ ເຂົ້າເປັນສະມາຍຊິກ ແລະ ຈ່າຍເງິນສົມທົບ ເຂົ້າກອງທຶນປະກັນສັງຄົມພຽງ ແຕ່ 05 ເດືອນ ຈຳນວນເງິນ: 242,867 ກີບ ( ໃນນີ້ຜູ້ກ່ຽວຈ່າຍເອງ 114,567 ກີບ. ອີກ 128,560 ກີບ. ແມ່ນບໍລິສັດຈ່າຍ ). ມາຮອດວັນທີ 17/01/2002 ຜູ້ກ່ຽວໂຊກຮ້າຍ ເສຍຊີວິດ ໃນຄະນະປະຕິບັດວຽກຢູ່ບໍລິສັດດັ່ງກ່າວ. ດັ່ງນັ້ນ ອປສ ຈຶ່ງໄດ້ ຈ່າຍເງິນອຸດໜູນໃຫ້ຄອບຄົວຜູ້ກ່ຽວດັ່ງນີ້:

ອຸດໜູນເສຍຊີວິດ: 3,059,250 ກີບ.
ອຸດໜູນຄອບຄົວ ຈ່າຍໃນແຕ່ລະເດືອນ ເລີ່ມມາແຕ່ 02/2002 ຈົນຮອດເດືອນ 08/2006 ລວມ: 18,228,049 ກີບ. ລວມທັງໝົດ: 21,287,299 ກີບ ແລະ ກໍ່ຍັງຈະໄດ້ສືບຕໍ່ຈ່າຍເງິນໃຫ້ອີກຕາມເງື່ອນໄຂ.

ຕໍ່ນະໂຍບາຍຫລືອຸດໜູນດັ່ງກ່າວ ນ ຈັນເພັງເຊິ່ງເປັນເມຍຂອງຜູ້ທີ່ເສຍຊີວິດ ໄດ້ສະແດງຄວາມຮູ້ສຶກທີ່ມີຕໍ່ ອປສ ວ່າ: ການສູນເສຍຜູ້ນຳຄອບຄົວ ກໍ່ເກືອບເໝືອນກັບວ່າບໍ່ໄດ້ສູນເສຍເພາະເພີ່ນມີປະກັນສັງຄົມນຳ ອປສ ແລະ ແຕ່ລະເດືອນ ອປສ ກໍ່ຈ່າຍເງິນໃຫ້ຄອບຄົວຂ້າພະເຈົ້າຕະຫລອດມາ: ຄ່າຮຽນຂອງລູກໆ ແລະ ຄ່າໃຊ້ຈ່າຍຕ່າງໆ ພາຍໃນຄອຍຄົວແມ່ນໄດ້ອາໃສເງິນຈຳນວນດັ່ງກ່າວນີ້ເປັນຫລັກ. ນີ້ກໍ່ເປັນພຽງແຕ່ໜຶ່ງຕົວຢ່າງໃນອີກຫລາຍໆ ຄອບຄົວທີ່ກຳລັງຢູ່ໃນ ຄວາມຮັບຜິດຊອບຂອງ ອປສ

ສອບຖາມຂໍ້ມູນເພີ່ມເຕີມໄດ້ທີ່ ອົງການປະກັນສັງຄົມ ຕັ້ງຢູ່ບ້ານອານຸ, ຖະໜົນ ສາມແສນໄທ ໂທ: 241280,241281 , ແຟັກ: 241279 ຫລືຕິດຕາມຮັບຟັງລາຍການວິທິຍຸ FM105.5 ທຸກວັນເສົາ ແລະ ອາທິດ ເວລາ 8:00-9:00 ໂມງ.

ອົງການປະກັນສັງຄົມກັບບົດບາດໃໝ່ໃນການເປັນສະມາຊີກ ຂອງ ອາຊຽນ (ASSA)

ໃນລະຫວ່າງ ວັນທີ 3 ຫາ 6 ກັນຍານີ້ຄະນະຜູ້ແທນຂອງ ອົງການປະກັນ ສັງຄົມເຊີ່ງນຳ ໂດຍທ່ານຄຳພວງອີນທະແສງ, ຜູ້ອຳນວຍການອົງ ການປະກັນສັງ ຄົມໄດ້ເດີນທາງໄປ ເຂົ້າຣ່ວມກອງ ປະຊຸມສະມາຄົມປະກັນສັງຄົມອາຊຽນ(ASSA) ຄັ້ງວັນທີ 18 ທີ່ເມືອງ ປີນັງປະເທດມາເລເຊຍກອງປະຊຸມຄັ້ງນີ້ອົງການປະກັນສັງຄົມ (ອປສ) ລາວເຮົາໄດ້ເຂົ້າ ຮ່ວມໃນຖານະທີ່ເປັນປະທານສະມາຄົມໂດຍ ທ່ານຜູ້ອຳນວຍ ການ ອປສ ໄດ້ດຳລົງຕ່ຳ ແໜ່ງເປັນປະທານສະມາ ຄົມດັ່ງກ່າວນັບແຕ່ທ້າຍປີ 2005 ເປັນຕົ້ນມາ ອ່ານຕໍ່ອີກ...

ກອງປະຊຸມສະພາບໍລິຫານ ຄັ້ງທີ 7

ໃນຕອນເຊົ້າເວລາ 8:30 ໂມງ,ວັນທີ 25/8/2006 ທີ່ຫ້ອງປະຊຸມນ້ອຍ ກະຊວງແຮງງານ ແລະ ສະຫວັດດີການສັງຄົມ ໄດ້ມີກອງປະຊຸມສະພາບໍລິຫານ ອປສ ຄັ້ງທີ VII,ໂດຍມີ ບັນດາ ກຳມະການ ສະ ພາບໍລິຫານ, ຄະນະອຳນວຍການ ອປສ, ຫົວໜ້າພະແນກ, ຮອງພະແນກ ແລະ ວິຊາການຂອງ ອປສ ເຂົ້າຮ່ວມຈຳນວນ 15 ທ່ານ. ພາຍໃຕ້ການເປັນປະທານ ທ່ານ ເລ ກາກັນຍາ ລັດຖະມົນຕີຊ່ວຍວ່າການ ກະຊວງແຮງງານ ແລະ ສະຫວັດດີການສັງຄົມ, ທັງເປັນປະ ທານສະພາບໍລິຫານ ອປສ. ອ່ານຕໍ່ອີກ...

ກອງປະຊຸມສະມາຄົມປະກັນສັງຄົມອາຊຽນ ( ASSA ) ຄັ້ງທີ່ 17 ທີ່ເສຣິເບກາວັນ, ບຣູໄນ ດາຣຸດສະແລມ.

ໃນລະຫວ່າງວັນທີ 6 - 9 ມີນາ 2006 ອົງການປະກັນສັງຄົມຂອງປະເທດບຣູໄນ ສປປ ລາວ ໄດ້ເປັນເຈົ້າພາບ ຈັດກອງປະຊຸມສະພາບໍລິຫານສະມາຄົມປະກັນສັງຄົມອາຊຽນ ( ASSA) ຄັ້ງທີ່ 17 ຂຶ້ນຢູ່ທີ່ສູນການປະຊຸມເດິມໍ, ໃນກຸງບັນດາເສຣິເບກາວັນ. ກອງປະຊຸມຄັ້ງນີ້ມີຜູ້ແທນຈາກບັນດາ 8 ປະເທດສະມາຊິກ ASSA ແລະ ນັກບັນຍາຍ ຮັບເຊີນເຂົ້າຮ່ວມທັງໝົດ 40 ກວ່າຄົນ. ອ່ານຕໍ່ອີກ....

ອົງການປະກັນສັງຄົມຈັດພິທີເປີດຫ້ອງການສາຂາແຂວງສະຫວັນນະເຂດຢ່າງເປັນທາງການ

ໃນຕອນບ່າຍຂອງວັນທີ 24 ຕຸລາ 2005 ນີ້ ອົງການປະກັນສັງຄົມ ໄດ້ຈັດພິທີເປີດການນຳໃຊ້ຫ້ອງການ ສາຂາແຂວງສະຫວັນນະເຂດຂອງຕົນ ຂຶ້ນຢ່າງເປັນທາງການ. ໃຫ້ກຽດເປັນປະທານໃນພິທີຄັ້ງນີ້ ໄດ້ແກ່ທ່ານ ເລ ກາກັນຍາ ຮັກສາການລັດຖະມົນຕີວ່າການກະຊວງແຮງງານ ແລະ ສະຫວັດດີການສັງຄົມ, ທັງເປັນ ປະທານສະພາບໍລິຫານ ອປສ ແລະ ທ່ານ ວິໄລວັນ ພົມເຂ, ເຈົ້າແຂວງແຂວງສະຫວັນນະເຂດ ໂດຍມີບັນດາ ກຳມະການສະພາບໍລິຫານ, ສະພາການແພດ, ຄະນະອຳນວຍການ ແລະ ພະແນກການຂອງອົງການປະກັນ ສັງຄົມ, ບັນດາພະແນກການອ້ອມຂ້າງແຂວງສະຫວັນນະເຂດ, ໂຮງໝໍແຂວງ ພ້ອມດ້ວຍແຂກທີ່ຖືກເຊີນເຂົ້າ ຮ່ວມ ຢ່າງພ້ອມພຽງ. ອ່ານຕໍ່ອີກ....

ກອງປະຊຸມສະມາຄົມປະກັນສັງຄົມອາຊຽນ ( ASSA ) ຄັ້ງທີ່ 16 ທີ່ນະຄອນຫຼວງວຽງຈັນ, ສປປ ລາວ.

ໃນລະຫວ່າງວັນທີ 29 ກັນຍາ - 1 ຕຸລາ 2005 ອົງການປະກັນສັງຄົມແຫ່ງສປປ ລາວ ໄດ້ຮັບກຽດເປັນເຈົ້າພາບ ຕາມຮອບວຽນຈັດກອງປະຊຸມສະມາຄົມປະກັນສັງຄົມອາຊຽນ (ASSA) ຄັ້ງທີ່ 16 ຂຶ້ນຢູ່ທີ່ໂຮງແຮມລາວ ພລາ ຊາ, ນະຄອນຫຼວງວຽງຈັນ. ກອງປະຊຸມຄັ້ງນີ້ມີຜູ້ແທນຈາກບັນດາ 8 ປະເທດສະມາຊິກ ASSA, ບັນດາຜູ້ສັງ ເກດການ ແລະ ນັກບັນຍາຍຮັບເຊີນ ເຂົ້າຮ່ວມທັງໝົດ 75 ທ່ານ. ອ່ານຕໍ່ອີກ....

ຄະນະຜູ້ແທນຈາກກະຊວງແຮງງານຂອງກຳປູເຈຍ ເດີນທາງມາສຶກສາວຽກງານປະກັນສັງຄົມ ຢູ່ ອປສ.

ໃນລະຫວ່າງວັນທີ 1 ຫາ 30 ທັນວາ 2005 ນີ້, ຄະນະຜູ້ແທນຈາກກົມປະກັນສັງຄົມ, ກະຊວງແຮງງານ ແຫ່ງລາຊະອະນາຈັກກຳປູເຈຍ ຊຶ່ງນຳໂດຍ MR. SUM SOPHORN, DEPUTY DIRECTOR OF SOCIAL SECURITY DEPARTMENT ໄດ້ເດີນທາງມາຢ້ຽມຢາມອົງການປະກັນສັງຄົມ ແຫ່ງ ສປປ ລາວ. ຈຸດປະສົງຂອງການມາຢ້ຽມຄັ້ງນີ້ ກໍເພື່ອເປັນການສຶກສາ ແລະ ຖອດຖອນບົດຮຽນ ວຽກງານປະກັນ ສັງຄົມຂອງ ສປປ ລາວ ເນື່ອງຈາກວ່າລາຊະອະນາຈັກກຳປູເຈຍ ມີແຜນການຈະເລີ່ມດຳເນີນການປະກັນ ສັງຄົມໃນປີ 2006 ນີ້. ຄະນະຜູ້ແທນໄດ້ຮັບການຕ້ອນຮັບອັນອົບອຸ່ນຈາກຄະນະຜູ້ບໍລິຫານ ແລະ ວິຊາ ການພາຍໃນ ອປສ ຊຶ່ງຢູ່ທີ່ນັ້ນເຂົາເຈົ້າໄດ້ຮັບຟັງບົດຮຽນ ແລະ ເຂົ້າຢ້ຽມຊົມການເຮັດວຽກຂອງແຕ່ລະ ພະແນກການ ໃນທຸກຂັ້ນຕອນ ຢ່າງຄົບຖ້ວນ. ອ່ານຕໍ່ອີກ....

ການສຳມະນາກ່ຽວກັບການປະກັນສຸຂະພາບແລະການເງິນ ຂອງ ໂຮງໝໍ

ໃນລະຫວ່າງວັນທີ່ 19 ຫາ 23 ທັນວາ 2005 ອປສ ໄດ້ຈັດກອງປະຊຸມສຳມະນາວ່າດ້ວຍ “ການປະກັນສຸ ຂະພາບ ແລະ ການເງິນຂອງໂຮງໝໍ” ຂຶ້ນທີ່ໂຮງແຮມວັນຊະນະນ້ຳງື່ມຣີສອດ, ໂດຍການເປັນປະທານ ຂອງທ່ານ ເລ ກາກັນຍາ ລັດຖະມົນຕີກະຊວງ ຮສສ. ມີຜູ້ຕາງໜ້າ ຈາກທຸກພາກສ່ວນທີ່ມີສ່ວນກ່ຽວຂ້ອງ ກັບວຽກງານ ອປສ ເຊັ່ນ: ສະພາບໍລິຫານ ອປສ, ສະພາການແພດ, ກະຊວງສາທາລະນະສຸກ, ກະຊວງ ຮສສ, ບັນດາໂຮງໝໍຄູ່ສັນຍາ ແລະ ຄະນະອຳນວຍການ ຕະຫຼອດ ຮອດວິຊາການທີ່ກ່ຽວຂ້ອງຂອງ ອປສ ເຂົ້າຮ່ວມທັງໝົດ 40 ທ່ານ. ອ່ານຕໍ່ອີກ....